Qalatasaray həmin sponsorluğu ləğv etdi

Dörd böyük kluba sponsorluq təklifi

Coca-Cola Türkiyə Super Liqasında mübarizə aparan dörd böyük futbol klubuna sponsorluq təklifi göndərib. Bu təklif sponsorluq dünyasında əhəmiyyətli bir hadisə kimi qiymətləndirilir.

Galatasaray və Fenerbahçe Coca-Cola ilə sponsorluq müqaviləsi imzalasa da, Beşiktaş və Trabzonspor bu təklifi rədd etdi.

Galatasaray tənqidlərdən sonra geri çəkildi

Sponsorluq təklifini qəbul edən Galatasaray, ictimaiyyətdən gələn güclü reaksiyalardan sonra bu müqaviləni ləğv etmək məcburiyyətində qaldı. Klubun rəsmi internet səhifəsindən Coca-Cola loqosunun sponsorlar bölməsindən çıxarıldığı bildirilib. Bu addım, klubun sponsorluq məsələsində həssas davrandığını göstərir.

Trabzonspor və Beşiktaşın qəti mövqeyi

Trabzonsporun rəhbəri Doğan, təklifi qəbul etmədiklərini açıqlayaraq, "Fələstində, Qəzzada yaşananlar göz önündədir. Vicdanım belə bir müqaviləyə razılıq vermədi" dedi. Beşiktaş klubunun baş katibi Uğur Fora isə "Belə bir müqaviləni etik hesab etmədiyimiz üçün qəbul etmədik. Beşiktaş olaraq hər zaman cəmiyyətimizin həssasiyyətinə önəm veririk, baş verənlər ortadadır" ifadələrini işlətdi.

24 saat