Qonşuda su böhranı: Fövqəladə vəziyyət elan edildi

Yunanıstan tarixindəki ən böyük susuzluqla üz-üzədir.

FÖVQƏLADƏ VƏZİYYƏT ELAN EDİLDİ

Yunanıstanın paytaxtı Afinanın yerləşdiyi Attika bölgəsində, həmçinin Türkiyənin Bodrum şəhərinə yaxın Leros və Patmos adalarında Nazirlər Kabinetinin qərarı ilə fövqəladə vəziyyət elan olunub.

Leros, Patmos adaları və Attikadakı su ehtiyatlarının azalması səbəbindən fövqəladə vəziyyət elan edilməsi prosesi Ətraf Mühit və Enerji Naziri Stavros Papastavrou tərəfindən müvafiq Nazirlik qərarlarının imzalanması ilə rəsmiləşdirilib.

Bu qərarın alınmasında iqlim dəyişikliyi, yağıntıların azalması və Attika bölgəsindəki su ehtiyatlarının tarixi minimum səviyyəyə çatması əsas rol oynayıb. Açıqlamada qeyd edilib ki, elmi məlumatlar su təminatını saxlamaq üçün kritik infrastruktur layihələrinə üstünlük verilməsi və təcili tədbirlərin görülməsinin vacibliyini təsdiqləyib.

SU QITLIĞINA QARŞI LAYİHƏLƏR SÜRƏTLƏ HƏYATA KEÇİRİLƏCƏK

Verilən açıqlamada vurğulanıb ki, “qırmızı həyəcan kəsilmələr və ya məhdudiyyətlər demək deyil. Bu, hər kəsin məsuliyyətli mövqe sərgiləməsi mənasına gəlir. Fövqəladə vəziyyət dövlət üçün su qıtlığı ilə bağlı layihələri və tədbirləri gec olmadan sürətlə və qətiyyətlə başa çatdırmaq, şəhərləri qorumaq üçün son şansdır.”

24 saat