Son 25 ilin ən ağır epidemiyası: 300 mindən çox yoluxma, 7 mindən artıq ölüm

Afrika Qitəsində Kolera Salgını

Xəstəliklərə Nəzarət və Profilaktika Mərkəzlərinin (CDC) məlumatlarına əsasən, 2024-cü ildə Afrika qitəsində təxminən 254 min, 2025-ci ilin indiyədək isə 300 mindən çox kolera hadisəsi və 7 mindən çox ölüm qeydə alınıb.

Son bir il ərzində qeydə alınan hadisələrdə 30 faizdən çox artım müşahidə edilib. Qitə hazırda son 25 ilin ən ağır kolera epidemiyası ilə üz-üzədir.

Afrika CDC-nin Baş direktoru Jan Kaseya bildirib ki, bu xəstəlik qitə üçün mühüm problem olaraq qalır. O, 2022-ci ildən etibarən hər il daha çox hadisənin qeydə alındığını, ölümlərin və təsirlənən ölkələrin sayında da oxşar tendensiyanın müşahidə olunduğunu vurğulayıb.

Müdaxilə Planları Həyata Keçirilir

Jan Kaseya Anqola və Burundidə son həftələrdə hadisələrin artdığını qeyd edərək deyib: “Afrikada müşahidə etdiyimiz bu tendensiyanı dayandırmaq üçün Zambiyada işə salınmış koleraya qarşı müdaxilə planını tam şəkildə həyata keçirməliyik.”

Avqust ayında Zambiyanın paytaxtı Lusakada başlanan bu plan, sentyabrdan gələn ilin fevral ayına qədər davam edəcək və nəzarət, hadisələrin idarə edilməsi, təchizat və peyvəndləmə məsələlərini əhatə edəcək.

“Vibrio” bakteriyasının səbəb olduğu, qida və su vasitəsilə yayılan kolera ishal və nəticədə orqanizmdə su itkisinə səbəb olur. Xəstəlik vaxtında müalicə edilmədikdə ölümlə nəticələnə bilər.

24 saat