SON DƏQİQƏ: Dünyanın ən güclü orduları – 2026 reytinqində Türkiyə

2026-cı il Dünya Hərbi Gücü Sıralaması: İlk Onluq Açıqlanıb

2026 Dünya Askeri Güç Sıralaması - SON DƏQİQƏ Dünyanın ən güclü - Global Firepower məlumatlarına əsasən, hərbi güc indeksi əsas götürülərək tərtib edilən 2026-cı il hərbi güc reytinqi siyahısının ilk 10 ölkəsi müəyyənləşib. Müdafiə büdcəsi, şəxsi heyətin sayı, quru, hava və dəniz qüvvələri, texnoloji imkanlar və güc proyeksiyası kimi meyarların nəzərə alındığı bu siyahıda Türkiyə neçənci yerdədir?

ABŞ

Siyahının ilk pilləsində 0.0744 PowerIndex balı ilə ABŞ qərarlaşıb. Birləşmiş Ştatlar dünyanın ən böyük müdafiə büdcəsi və qlobal hərbi varlığı ilə önə çıxıb.

RUSİYA-ÇİN

Rusiya və Çin isə 0.0788 balla ikinci və üçüncü yerləri bölüşərək güclü quru birlikləri, geniş şəxsi heyət potensialı və artan hərbi texnologiyaları ilə diqqət çəkiblər.

HİNDİSTAN

Dördüncü yerdə Hindistan yer alıb. Ölkə dünyanın ən böyük ümumi hərbi şəxsi heyətinə malik olması ilə fərqlənib.

CƏNUBİ KOREYA

Beşinci pillədə qərarlaşan Cənubi Koreya, təkmilləşdirilmiş müdafiə sistemləri və qabaqcıl texnologiya sərmayələri ilə bu siyahıda yüksək sıralarda yer alıb.

BİRLƏŞMİŞ KRALLIQ-FRANSA

Birləşmiş Krallıq altıncı yerdə nüvə potensialı və qabaqcıl hərbi texnologiyaları ilə mövqe tutarkən, Fransa yeddinci yerdə strateji hava və dəniz imkanları ilə önə çıxıb.

YAPONİYA

Yaponiya, yüksək texnologiyaya əsaslanan müdafiə potensialı sayəsində səkkizinci pilləyə yüksəlib.

TÜRKİYƏ

Türkiyə 0.1902 PowerIndex balı ilə doqquzuncu yerdə qərarlaşıb. Türkiyənin böyük quru qüvvələri, inkişaf edən müdafiə sənayesi potensialı və yerli istehsal layihələri onun hərbi güc reytinqindəki mövqeyini müəyyənləşdirən başlıca amillər arasında göstərilib.

İTALİYA

Siyahının onuncu pilləsində isə İtaliya yer alıb.

24 saat