Məşhur Televiziya Siması Silahlı Soyğuna Məruz Qaldı
2016-cı ildə "Touche pas à mon poste" proqramı ilə tanınan 30 yaşlı
Soraya Riffy evinə daxil olan cinayətkarların hücumuna məruz qalıb. Hadisə cümə gecəsi saat 21:30 radələrində baş verib.
Özünü "qonşu" kimi təqdim edən bir şəxsin qapısını döyüb yardım istəməsi ilə Soraya Riffy qapını açdıqdan sonra, iki silahlı şəxsin də içəri girməsi ilə dəhşətli anlar yaşayıb. Cinayətkarlar, Sorayanın əl-ayağını bağlayaraq döyüb, boğazına silah dayayıb və kəsici alətlə təhdid edərək təxminən bir saat yarım ərzində pul tələb edərək işgəncə veriblər.
Dəhşət Anları və Ağırlılaşan Vəziyyət
Soraya Riffynin ifadəsinə görə, özünü xilas etməyə çalışarkən hücumçulardan biri silahı başına dirəyib, ağzına yapışqan lent vurulub və nəfəssiz qalaraq huşunu itirib. Gözlərini açanda bədəninin ağardıcı vasitə ilə örtüldüyünü görüb. Onun vəkili Tom Mişelin bildirdiyinə görə, cinayətkarlar DNT izlərini məhv etmək üçün bu üsuldan istifadə ediblər.
Üzündə çoxsaylı sınıqlar və bədənində kəsiklər olan Sorayanın cinsi təcavüzə məruz qaldığı ehtimal olunur. Cinayətkarlar evdən "Cartier" bilərzik, "Rolex" saat, iki lüks çanta, eləcə də ev və avtomobil açarlarını oğurlayaraq qaçıblar.
Hedef Halına Gələn Sosial Media Fenomeni
Vəkilin sözlərinə görə, hücumçular Sorayanı tanıyırmış və o,
Instagram-da nümayiş etdirdiyi dəbdəbəli həyat tərzi səbəbindən hədəfə çevrilib. Əlavə olaraq, hücumdan iki həftə əvvəl təhdid xarakterli elektron məktublar almağa başladığını və bu barədə dəfələrlə səlahiyyətli orqanlara məlumat verdiyini açıqlayıb.
Hadisədən sonra sosial media hesabında yaralı üzünü göstərən bir video paylaşan Soraya, "Çox dəhşətli bir hadisə yaşadım. Bu gün başıma gələnlər qorxunc idi," – deyərək yaşadığı travmanı dilə gətirib. Polis,
silahlı soyğunçuluq, adam oğurluğu, ölümlə təhdid və mütəşəkkil cinayət şübhəsi ilə bağlı istintaq başlayıb.
Soraya Riffy 2016-cı ildə Fransada yayımlanan "Touche pas à mon poste" adlı televiziya proqramı ilə şöhrət qazanıb. Bir milyondan çox instaqram izləyicisi olan Riffy, moda, idman, bədənə müsbət münasibət və özgüvən mövzulu paylaşımları ilə tanınır.
24 saat
