Trampdan Venesuelaya lazım gəlsə hərbi zərbə hədəsi

ABŞ Narkotiklə Mübarizədə Yeni Addımlar Atır: Venesuela Hədəfində

ABŞ prezidenti Donald Tramp Ağ Evdə keçirdiyi və canlı yayımda təxminən iki saat davam edən kabinet iclasından sonra jurnalistlərin gündəmlə bağlı suallarını cavablandırıb. Prezident, ABŞ ordusunun Venesuela üzərində artırdığı təzyiqi və Karib dənizi bölgəsində "narkotik daşıdığı iddia edilən" qayıqlara qarşı hücumları dəyərləndirib. Tramp bildirib ki, Venesuela və Kolumbiya kimi ölkələrdən Amerika torpaqlarına çatan narkotiklərlə hər mənada mübarizə aparmaqda qərarlıdırlar. O, bunun üçün lazım olan hər şeyi edəcəklərini və Pentaqona bu barədə tam səlahiyyət verdiyini vurğulayıb. Prezident Tramp qeyd edib: "(Venesuela sahillərindəki) O gəmilərin məhv edilməsini istəyirəm və lazım gələrsə, dənizdə olduğu kimi Venesuela ərazilərinə də hücum edəcəyik. Artıq dənizdən çox az şey gəlir, düşünürəm ki, 90 faizindən çoxunu məhv etmişik."

Quru Yolu ilə Narkotik Marşrutlarına Hücum Planı

ABŞ prezidenti açıqlamasında, "Qurudan da bu hücumları başladacağıq, bilirsiniz, quruda hücum etmək daha asandır. Onların istifadə etdiyi marşrutları bilirik, onlar haqqında hər şeyi bilirik, harada yaşadıqlarını bilirik və çox yaxın zamanda buna da başlayacağıq. Bunu (narkotikləri) istehsal edən və ölkəmizə satan hər kəs bu hücuma məruz qalacaq," – deyə ifadələrini işlədib. Tramp Venesuela və Kolumbiyanın adını bir neçə dəfə çəkərək, bu ölkələrin ABŞ-a gələn narkotiklərin əksəriyyətindən məsuliyyət daşıdığını iddia edib.

ABŞ-ın həyata keçirdiyi əməliyyatlar əsasən Karib dənizi hövzəsində cəmləşir.

Gəmiyə İkinci Hücum ilə Bağlı Açıqlama

Digər tərəfdən, Tramp sentyabrın 2-də Venesuela sahillərində "narkotik daşıdığı" iddia edilən bir gəmiyə ikinci hücum əmri verərək, bu hücumda ilk hücumdan sonra yanan gəmiyə yapışan iki nəfərin öldürüldüyü iddiaları ilə bağlı sualları da cavablandırıb. ABŞ prezidenti narkotiklə mübarizə mövzusunda Pentaqonu və Müdafiə Naziri Pit Heqseti tam səlahiyyətlə yetkiləndirdiyini və sözügedən hücumların arxasında durduğunu bildirib. İlk hücumdan xilas olan iki yaralının ikinci hücumda öldürüldüyü barədə təfərrüatları bilmədiyini deyən Tramp, bununla birlikdə, hücumun müvafiq qanunlara uyğun olduğunu müdafiə edib. Müdafiə Naziri Heqset də ikinci hücuma vəzifədə olan Admiral Frank Bredlinin tam səlahiyyətli olduğunu və yaralıların olması barədə təfərrüatları o anda bilmələrinin mümkün olmadığını irəli sürüb. Amerikanın Washington Post qəzetinin xəbərində, ABŞ donanmasına aid hərbi birləşmələrin, narkotik daşıdığı iddia edilən bir gəmiyə sentyabrın 2-si hücum etdiyi və ilk hücumdan yaralı olaraq xilas olub gəmiyə yapışan iki nəfərin ikinci hücumda öldürüldüyü iddia edilmişdi.

24 saat