Kubilay Aka və Hafsanur Sancaktutan ayrıldı

Məşhur Cütlüyün Tanışlıq Hekayəsi və İlk Etiraflar

Hafsanur Sancaktutan ile Kubilay Aka - Kubilay Aka və Hafsanur Sancaktutan - Türk aktyorlar Hafsanur Sancaktutan və Kubilay Akanın yolları bir reklam layihəsində kəsişmişdi. Keçən həftələrdə İbrahim Səlimin YouTube proqramına qonaq olan Kubilay Aka, sevgilisi ilə tanışlıq hekayəsini bu sözlərlə nəql etmişdi:

“Bir reklam filmində birlikdə oynayarkən tanış olduq, lakin o zaman aramızda heç bir münasibət yox idi. Sonradan eyni agentlikdə fəaliyyət göstərdiyimiz üçün tədbirlərdə tez-tez görüşürdük. Əvvəlcə bir-birimizə başqa gözlə baxmamışdıq. Daha sonra mən bu şəkildə baxmağa başladım. Demək olar ki, mən onu ələ aldım. Başda heç istəmirdi, çox çalışdım. Mənim “çapkın” imicimdən xəbərdar idi. Güvən məsələsində bir qorxu ola bilərdi, lakin biz bunları aşa bildik.”

"Soyadını Dəyişmək İstərdim" – Evlilik Təklifi İddiaları

Kubilay Aka eyni zamanda, ‘Sevgiliniz Hafsanur Sancaktutanın hansı xüsusiyyətini dəyişmək istərdiniz?’ sualına, ‘Soyadını dəyişmək istərdim,’ cavabını vermişdi. Bu açıqlama bəzi insanlar tərəfindən “evlilik təklifi” kimi şərh edilmişdi.

Futbol Turniri və Gözlənilməz Sığorta Hədiyyəsi

Kubilay Aka qısa müddət əvvəl Melis İşitenin proqramında ‘Son zamanlarda ən xoşbəxt olduğun an nə idi?’ sualına verdiyi cavabla da sosial mediada geniş müzakirə olunmuşdu. O, qeyd etmişdi ki, “Rusiyaya bir futbol turnirinə getmişdim, Hafsa da mənimlə gəlmişdi. Meydançaya daxil oldum, oyun çox gərgin idi. Oyundan sonra mənə dedi ki, “Sənə özəl sağlamlıq sığortası etdirdim”. Həyatımdakı qadının bunu düşünməsi məni çox sevindirdi. Bu, açıq-aydın “Sən buna davam edəcəksən, mən də sənin arxandayam, problem yoxdur” demək idi. Valideynlərim belə bunu düşünməmişdi.”

Ayrılıq İddiaları və Sosial Media Aktivliyi

Lakin keçən həftə məşhur cütlük haqqında ayrılıq iddiaları yayılmağa başladı. Əvvəllər ‘Kubilay çox romantikdir. “Adam yoxdur” dedim, ən yaxşısını tapdım,’ – ifadələrini işlədən Hafsanur Sancaktutanın sevgilisi ilə birlikdə olduğu şəkilləri silməsi diqqətdən yayınmamışdı.

Hafsanur Sancaktutanın bu addımından sonra Kubilay Aka da birlikdə çəkilmiş şəkillərini öz hesabından silmişdi. Bundan əlavə, cütlük sosial media hesablarından bir-birini izləməyi dayandırmışdı.

24 saat