Tramp gələcək prezident namizədini təriflədi

ABŞ prezidenti Donald Tramp Ağ Evdə keçirdiyi imzalama mərasimində media nümayəndələrinin gündəmdəki suallarını cavablandırıb. Dünənki “üçüncü müddətə namizədliyi düşünmürəm” bəyanatı ilə bağlı suala cavab olaraq, Donald Tramp özündən sonrakı dövr üçün JD Vansı işarə edib. Prezident, “Sizdən sonra Respublikaçıların namizədi JD Vans olacaq?” sualına belə cavab verib: “Fikrimcə, böyük ehtimalla. Ədalət naminə, o, vitse-prezidentdir. Dövlət katibi Marko Rubio da JD Vansla müəyyən şəkildə bir araya gələ bilər. Əlbəttə, hələ bunu danışmaq üçün çox erkəndir, lakin o, əla iş görür və hazırda ehtimal ki, favorit mövqedədir.” Tramp dünən CBNC News kanalına verdiyi müsahibədə üçüncü müddətə prezidentliyə namizədliyini hazırda düşünmədiyini açıqlamışdı.

14 YAŞINDAN YUXARI CİNAYƏTKARLARIN YETKİNLƏR KİMİ MÜHAKİMƏ EDİLMƏSİ TƏKLİFİ

Donald Tramp Truth Social hesabından etdiyi paylaşımda paytaxtdakı dəstələrin və yetkinlik yaşına çatmayan cinayətkarların vətəndaşlara təsadüfi hücumlar etdiyinə diqqət çəkərək, “Vaşinqton D.C.-də cinayət nisbəti tamamilə nəzarətdən çıxıb” ifadəsini işlədib.

Ağ Evdə mətbuat konfransı zamanı qeyd edilib ki, 14-16 yaşlarındakı gənclərin əksəriyyəti günahsız insanlara hücum edir, soyğunçuluq, xəsarət yetirmə və silahlı hücum hadisələrində iştirak edir.

Tramp yetkinlik yaşına çatmayan cinayətkarların hüquq-mühafizə orqanlarından qorxmadıqlarını, çünki demək olar ki, dərhal azad ediləcəklərini bildiklərini, lakin artıq bu vəziyyətin dəyişəcəyini iddia edib. Prezident bildirib ki, son olaraq bir nəfərin “quldurlar” tərəfindən vəhşicəsinə döyüldüyünü xatırladaraq, Vaşinqton D.C.-nin təhlükəsiz, təmiz və yaşana bilən bir yerə çevrilməsinin vacibliyini vurğulayıb. O əlavə edib: “Vaşinqton D.C.-də qanunlar bu yetkinlik yaşına çatmayanları yetkinlər kimi mühakimə etmək və 14 yaşından etibarən uzun müddətə həbs cəzasına məhkum etmək üçün dəyişdirilməlidir.” Şəhəri lazımi şəkildə idarə etmək və cinayətkarlara bu cinayətlərdən qaçamayacaqlarını bildirmək üçün Vaşinqton D.C.-ni federal nəzarətə götürmək məcburiyyətində qalacaqlarını ifadə edən prezident Tramp, sözügedən vəziyyət davam edərsə, səlahiyyətlərindən istifadə edərək paytaxtı “federallaşdıracağı” barədə xəbərdarlıq edib.

24 saat