Beşiktaş Van Ewijk və Kessie ilə danışıqlara başlayıb

Beşiktaş transfer çalışmalarını sürdürür

Sağ bek axtarışında yeni hədəf: Milan van Ewijk

Transfer çalışmalarına ara vermədən davam edən Beşiktaş, sağ bek mövqeyi üçün axtarışlarını sürətləndirib. Əvvəlcə gündəmdə olan bir neçə oyunçu ilə danışıqlar aparsa da, bu oyunçuların transfer dəyərlərinin yüksək olması səbəbindən alternativ variantlara yönəlib. Bu çərçivədə Beşiktaşın yeni hədəfi İngiltərənin Coventry City klubunun hollandiyalı oyunçusu Milan van Ewijk olub.

24 yaşlı oyunçu, İngiltərə Çempionşipində oynamaq əvəzinə, daha iddialı bir komandada forma geyinmək istəyir. Milan van Ewijk, Beşiktaşın satın alma opsiyası ilə kiralama təklifinə müsbət cavab verib. Klub rəhbərliyi yaxın günlərdə bu transferi rəsmiləşdirmək üçün səylərini artıracaq.

Orta sahaya ulduz transfer: Franck Kessie

Sağ bek axtarışları ilə yanaşı, orta sahaya da güclü bir oyunçu almaq istəyən Beşiktaş, bu mövqe üçün də hərəkətə keçib. Siyahıda olan bir neçə oyunçu ilə aparılan danışıqlardan sonra, Səudiyyə Ərəbistanının Əl-Əhli klubunda çıxış edən Fildişi Sahilli oyunçu Franck Kessie ilə maraqlanmağa başlayıb.

Beşiktaş, 28 yaşlı oyunçunu icarəyə götürmək əvəzinə, birdəfəlik satın almaq istəyir. Lakin Əl-Əhli klubu, Kessie üçün 15 milyon avro transfer haqqı tələb edir. Beşiktaş rəhbərliyi, bu məbləği aşağı salmaq üçün Əl-Əhli ilə danışıqlara başlayıb. Yaxın günlərdə bu transferlə bağlı daha konkret addımların atılacağı gözlənilir.

24 saat