Almaniyanın müdafiə sənayesi nəhəngi "Rheinmetall" ilə Amerikanın "Lockheed Martin" şirkəti Avropada ATACMS, GMLRS, Hellfire, JAGM və PAC-3 raketlərinin istehsalı üzrə birgə müəssisə qurur.
Məqsəd ABŞ-dan asılılığı azaltmaq və Avropa üçün raket və mərmi təchizatını sürətləndirməkdir. Yeni müəssisədə, o cümlədən Patriot hava hücumundan müdafiə sistemləri üçün silahlar da istehsal olunacaq.
Avropanın raket istehsalında müstəqillik addımı
"Rheinmetall"-ın baş direktoru Armin Papperger bildirib ki, ABŞ-ın istehsal gücü Avropanın artan ehtiyacını qarşılamır: “Bəzən Amerikadan raket almaq üçün 10 il gözləmək lazım gəlir, bu isə qəbuledilməzdir”, – deyə o vurğulayıb.
Şirkət birgə müəssisənin 60%-nə nəzarət etməyi planlaşdırır və burada ildə 10 min raket istehsalı nəzərdə tutulur. İstehsala 2026-2027-ci illərdə başlanması gözlənilir.
Xüsusilə Ukrayna və digər Avropa ölkələrinin uzaqmənzilli raketlərə olan ehtiyacının ödənilməsi prioritet sayılır.
Hazırda Lockheed Martin və Rheinmetall layihənin reallaşması üçün ABŞ və Almaniya hökumətlərindən təsdiq gözləyir.
💬 Şərh yazın