PKK silahları yerə qoydu, YPG yeniləri ilə davam edir

PKK-nın silah təhvilvermə mərasimi bu gün Süleymaniyyədə baş tutub. Yuqoslaviya dövründən qalma AKM və Çinin 1950-ci illərdə istehsal etdiyi Tip-56 Kalaşnikov tüfəngləri, Soyuq Müharibə dövründə Sovetlərin istehsal etdiyi PKM yüngül pulemyotları, RPG-7 qumbaraatanları hücum jiletləri ilə birlikdə böyük bir qazanda yandırılıb. Bu vaxt Suriyada, hələ də Suriya Müvəqqəti Hökumətinə qoşulmaqda tərəddüd edən YPG, ABŞ istehsalı "Humvee" zirehli maşınlarının üzərində, əllərində son model M4A1 tüfəngləri, zirehli jiletləri və gecəgörmə cihazları ilə təlimlər keçirir, İŞİD-ə qarşı hücumlara keçir. PKK Türkiyədə silahı buraxdığını açıqlayıb. Lakin YPG-yə bağlı olan Suriya Demokratik Qüvvələri (SDQ), Suriyada yeni silahları ilə Tom Barrackın da dediyi kimi "ABŞ-ın ən vacib müttəfiqlərindən biri" olaraq görünməyə davam edir.

SDQ-nin Cəbbəxanası Genişlənir

YPG-yə bağlı olan Suriya Demokratik Qüvvələrinin əlində sadə hücum tüfəngləri və piyada avadanlıqlarından başqa da silahlar mövcuddur.

Təşkilat dəfələrlə kiçik kamikadze pilotsuz uçuş aparatları (PUA) vasitəsilə hücumlar təşkil etdiyini göstərən videolar yayımlayıb.

Bununla yanaşı, zirehli nəqliyyat vasitələrinə quraşdırılmış raket sistemləri və ağır pulemyotlar da diqqət çəkib.

ABŞ ordusunun simvollarından birinə çevrilən M1 Browning tipli silahlar ABŞ istehsalı "Humvee" zirehli maşınlarının üzərində yer alır.

Böyük Maliyyə Dəstəyi Təmin Edildi

Təşkilatın tankları, artilleriya qurğuları və helikopterləri olduğu da məlumdur, lakin bu vasitələr daha yaxşı gizlədilir.

PKK-nın 40 illik ömrü boyu sahib olmadığı silahlar, Suriya yapılanmasında, ABŞ dəstəyi ilə artır.

Pentaqonun bu həftə ərzində yayımladığı büdcədə ABŞ hökuməti, aralarında SDQ-nin də olduğu Suriyalı təşkilatlara 130 milyon dollar maliyyə vəsaiti ayırmağı öhdəsinə götürüb.

Bu vəsait təşkilatların təliminə, təchizatına və yerləşdirilməsinə xərclənəcək.

24 saat