Qəzzadan İsrailə sərt mesaj: İşğala yer yoxdur

İsrail hökumətinin Qəzza zolağını tam nəzarətə götürmək qərarından sonra bu ərazidə yaşayan mülki vətəndaşlar Qətərdə yerləşən "Əl-Cəzirə" xəbər kanalına danışıblar. Onlar yaşadıqları faciəni və ümidsizliyi təsirli sözlərlə ifadə ediblər.

Artıq İşğal Olunacaq Yer Yoxdur

Şərqi Qəzzadan Mahmud əl-Kuraşli bildirib: “Artıq nəzarətə götürüləcək bir yer qalmayıb. Biz onsuz da ölüm-dirim mübarizəsi aparırıq. Hər gün 100-150 insan həyatını itirir, üstəlik yaşadığımız digər çətinliklər var.”

Kuraşli əlavə edib: “Bu zolağın demək olar ki, hamısı qərb hissəsinə sıxışdırılıb. Artıq əhali üçün bu cür hərbi əməliyyatların olub-olmaması fərq etmir.”

Hava, Quru və Dənizdən İşğal Altındayıq

Şucaiyyə məhəlləsindən köçkün düşmüş digər bir Fələstinli, Raed Abu Məhəmməd isə İsrailin qərarını "şokedici" adlandırıb.

Məhəmməd deyib: “Hava, quru və dənizdən əvvəldən işğal altındayıq,” və bu çətinliklərə baxmayaraq həyata tutunma cəhdlərini bu ifadələrlə izah edib:

“Həyat təzə-təzə yoluna düşməyə başlamışdı. Beş aydır çadırlarda yaşayırıq. Bəli, ağrı var, bəli, ölüm var. Amma biz hələ də həyata tutunuruq, yaşamağa davam edirik.”

Hadisələrin İnkişafı

İsrail Təhlükəsizlik Kabineti zolağın şimalında yerləşən eyniadlı şəhərin tam işğal edilməsini nəzərdə tutan yeni planı təsdiqləyib. Yerli mənbələrə görə, İsrail ordusu hazırlıqlara başlayıb.

Bu qərardan sonra Türkiyə başda olmaqla bir sıra ölkələrdən ardıcıl olaraq qınama bəyanatları gəlib.

24 saat